馬騮之麵包日記2－小丸子的筆記本

2010年4月10日

之前整的「牛奶小餐包」雖然都幾成功，不過唔係太受歡迎，皆因麵糰加咗牛油，「酥」味重咗少少，再加上面頭的芝麻有少少油益味，可能擺得太耐‧‧‧今日學完車返到屋企再接再勵，整「全麵山形包」。

其實材料同「牛奶小餐包」差唔多，只是份量有少少唔同，不過今次牛油用橄欖油代替，糖依舊減半。跟著好努力的撻麵糰，一直撻的時候已經聞到好香的全麵粉味道。望一望個鐘，用咗差唔多50分鐘麵糰先算OK，光滑唔捻手。之後加入少許南瓜籽，再根據食譜的圖示造型，將麵糰捲成兩卷放入模內，初時兩卷麵糰之間仍然有很大的「距離」，不過完成最後發酵後，佢地已經接受對方並融為一體啦‧‧‧

焗大約20分鐘，脹卜卜的山形麵包就出爐啦，脫模的時候已經可以feel到麵包內裡的鬆軟，皆因麵包很輕，再睇睇橫切面就更加清楚。